Крымалъул блокада. Чаплинка
Украиналъул Херсон мухъалъул Чаплинка росдал рагIалда 21 ноябралда тунка-гIуси ккана низам цIунулезда ва бакIалъул активистазда гьоркьоб. Гьеб бакIалда тIун рукIана Крымалде канлъи бачунел кварал. Активистаз квал-квал гьабулеб букIана гьел къачIазе рачIаразе. Ахирги блокада лъураз рес кьуна «Укрэнергоялъул» хIалтIухъабазе гьенир тIубанго гьечIониги хIалтIаби гьаризе.