Басрияб Дербент

2015 соналъул риида Дагъистаналъул Дербент шагьаралъ кIодо гьабизе буго 2000 сон тIубаялъул байрам. Унго- унголъунги Дербенталъе чан сон бугебин абураб суалалда сверун гIалимзабазул бахIсал лъугIулел гьечIо. Цояз абулеб буго гьелъие 5000 сон бугин, цойгидаз 2000 сон бан бугин чIезабулеб буго, 700 сон бугин абулелги камулел гьечIо. Амма официалияб къагIидаялъ Дербенталъ 2000 сон бан бугин чIезабун буго, гьеб байрамалде шагьаралда хIадурлъалабиги унел руго. Гьелъул къватIал чIунтизе тун ругеб куц бихьун шагьаралъе сонал дагьалги гIемерал ратилин ва шагьар гIуцIаралдаса гьел къачIан ратиларин абурал баянал ратула блогазда. Гьанир кьолел ругел «басрияб Дербенталъул» суратал рахъана МахIмудова ПатIиматица.