Туркиялъул президент Реджеп Эрдогьаница лъазабуна, жиндир ракI хун бугин жидер аэропланалъ Россиялъул Су-24 бортизабиялдасайин. «Нилъее гьеб бокьун букIинчIо, дир хьул буго, гьединаб жо тIокIаб такрарлъунгутIиялъул», - ян лъазабуна гьес шамат къоялда жиндирго рахъ кколезда цеве вахъунаго.
Эрдогьаница цIидаса лъазабуна Туркиялъул галаби ритIарал рукIанин ва какана Россиялъ Сириялда билъанхъизабулеб политика.
Гьедин букIаниги, гьес загьир гьабуна 30 ноябралда Парижалда рагьулеб климаталъул проблемабазда сверун халкъаздагьоркьосеб саммиталъул кулуаразда Россиялъул президент Владимир Путингун дандчIвазе жиндие бокьун букIиналъул пикру.
Шамат къоялъ радал Туркиялъул КъватIисел ишазул министерлъиялъ жидерго улкаялъул гражданал ахIана Россиялде кIудияб къваргIел гьечIого иналдаса инкар гьабиялде.