Апрелалъул ахиралда виларав Таджикистаналъул Жанисел ишазул министерлъиялъул ОМОНалъул полковник Гулмурод ХIалимов Сириялде ун вугин ва «Исламияб пачалихъ» гIуциялъе гьес гьа банин лъазабулеб буго информалатаз.
Гьесул видеохитIаб батизе бегьула интернеталда. «Исламияб пачалихъ» гIуцIиялде жив гъорлъе кканин Таджикистаналъул хIукуматалъул политика сабаблъунилан абуна гьес видеоялда. Гьес абухъе, Таджикистаналда хIукуматалъ бусурбабазе гьукъулеб буго как базе ва диналда рекъараб ретIел ретIине.
ХIалимовас хитIаб гьабуна гIурус мацIалда ва абуна живгун Сириялде Таджикистаналдаса анцIго чи вачIанин. Информалатаз лъазабухъе, ХIалимовас рагъулал курсал лъугIизаруна Россиялдаги СШАялдаги. Жиндирго хIалтIи лъикI гьабиялъухъ гьесие кьун рукIанаан медалалгун орденал ва дипломал.