Ахирисел соназде дандеккун исана Афгъанистаналда хварал ва лъукъарал гIадатиял гIадамазул бищунго кIудияб сияхI гьабун буго Цолъарал Миллатазул ГIуцIиялъ. Гьелъул щибаб лъагIалилаб докладалда абулеб буго исана декабралде щвезегIан улкаялда хун вугин 3188 гIадатияв чи ва лъукъун вугин 6429 чийин. Цебесеб соналде дандеккун гьеб къадар 19% цIикIкIун буго. Цебесеб соналде дандеккун исана хварал лъималазул къадарин абуни 33 проценталъ цIикIкIун буго.
Рехсараб идараялъ гьеб киналъего гIиллалъун рехсолеб буго аслияб куцалда «хвалде унез» гIадамал гIемерал бакIазда гьарулел кьвагьиял.