Бостоналда марафоналъул заманалда кьвагьиял гьариялъул гIайиб гIунтIизабулев Царнаев Жовгьар хамиз къоялда, тIоцебесеб нухалда, вахъун чIун вуго Америкаялъул диваналда цеве. Гьесда сверун аслияб процесс байбихьизе ккола тIасияб соналъул январалда. Гьесда гIунтIизабулеб буго 30 батIи-батIияб гIайиб, гьездаго гьоркьоб чи чIвайги. Гьесул гIайиб чIезабуни, гьев чIвазе хIукму къотIизеги рес буго.
2013 соналъул апрелалда Бостоналда кьвагьиял гьаридал хун вукIана 3 ва лъукъун вукIана 260 чи. Царнаев жиндирго гIайибалъе мукIурлъулев гьечIо.