Москваялъул журналистазул цолъиялъул бетIер Павел Гусевас кутакалда какана Донецкалъул аэропорталда Россиялъул актер Михаил Пореченковасул хьвада-чIвади.
ТIад «Пресса» ян хъван ретIараб каскагун ботIрода Пореченковас пулеметалъ речIчIулеб букIана.
Гусевасул рагIабазда рекъон журналистазул ихтияр гьечIо ярагъ кодобе босизе.
Москваялъул журналистазул цолъиялъ Россиялъул кинематографистазул цолъиялдаса тIалаб гьабизехъин бугин Михаил Пореченковасул хьвада-чIвадиялде рекъолел тадбирал гьари, ян тIаде жубана Павел Гусевас.