27 октябралдаса байбихьун Россиялъ гьукъулеб буго Модовалдаса гьанал импорт.
ХIукму гьабун буго «Россельхознадзор» идараялъ гьабураб инспециялъул хIасилалда хадуб.
Гьеб идараялъул бетIер Сергей Данквертил рагIабазда, инспекциялъ бихьизабун буго, гьан «оптовиказ росабазул гIадатиял базаразда босулеб букIин». Гьединлъидал гьелдаса хIинкъи бугин лъазабун буго гьес.
Данквертица лъазабуна гьединго, Молдовалъул гьанал инспекция тIобитIун букIанин Белорусалъул кколлегабазда цIадахъин ва нагагьлъун гьеб гьукъи гьез гIаммаблъун гьабулеб гьечIони, «Россельхознадзоралъ» гьукъизе бегьулин жибго Беларусалдаса гьанал импортгийин.
Июлалда Россиялъ гьукъана Молдовалдаса пихъалъул импорт ва гьан, чакар, пурчIина, пиво, вино ва цогидаб продукциялъул импорталъухъ тIалаб гьабуна таможенияб хIакъ.
Молдовалъул экономикаялъул министр Анриан Кандуца доб мехалда лъазабун букIана, Россиялъул гьечIин я экономикияб, я къануназда хурхарал гIорхъаби чIезариялъе кинабгIаги кьучIин.
АрбагI къоялда Россиялда рухIалда бачIана гьединго Украиналдаса бижунеб продукциялъул импорт гьукъулеб къанун.