Россиялъул КъватIисел ишазул министерлъиялъ Киевалдаса тIалаб гьабуна Россиялъул территориялде кьвагьдей чIезаби ва халкъазда гьоркьосел тоххалчагIазул хIинкъигьечIолъи цIуниялде.
Идараялъул сайталда бахъараб лъазабиялда абулеб буго, 29 июлалда «Гуково» абураб таможенияб пункталъул хIалтIухъабазде Украиналъул рагъулал кьвагьданин гранатаметаздасаги автоматаздасагийин. Ва гьеб тIоцебесеб нухалъ гурин.
Россиялъул МИДалъ рикIкIунеб буго гьеб букIине бегьулин Россиялъулгун Украиналъул гIорхъада бугеб ахIвал-хIалалъул мониторинг гьабизе кколеб ОБСЕялъул хасаб къокъа «Гуково» посталда чIезе хIадурулеб букIиналде реакцияйин.