Федералияб хасаб хъулухъалъ хIукуматалъухъе кьун буго буголъиялъул, яхтабазул, аэропланазул бетIергьабазда хурхараб информациялъул балъголъи гьабизе къварагIел бихьизабулеб къануналъул проект.
Гьелда рекъон, гьеб информация хIалтIизабиялъул изну букIине кколеб буго «пачалихъалъул компетенция бугел идарабазул». ЖамгIиял хIаракатчагIазе рес букIине гьечIин гьелдаса пайда босизеян, хъвалеб буго РБКялъ.
Буголъиялъул ихтияразул ва гьеб бичи-босиялда хурхараб Пачалихъалъул цогояб реестраалъул информация гьанже буго интернеталда, гьеб кколаро жакъа балъголъи.
ФСБялъейин абуни бокьун буго гьеб информация къазе, гьелдаго цадахъ буголъиялъул бетIергьабазда хурхараб информацияги.
Гьеб идараялъул пикруялда гьеб информациялдаса пайда босизе бегьула таксириял ва компромат хIалтIизабиялъул мурадазда.