«Спутник» абулеб цIияб агентлъи- гьеб буго чIахIиял амбициял ругеб халкъаздагьоркьосеб мультимедияб сурсат. Дунялалъул батIи-батIиял улкабазда гьелъул руго анц-анцI бюроял ва гьеб кIалъала батIи-батIиял мацIазда.
Гьелъие бетIерлъи гьабулеб буго «Россия Жакъа» абулеб компаниялъул бетIер Дмитрий Кисилевас. Гьес абулеб буго «Спутник» магърибалъул «пропагандаялде» данде чIезе бугин.
«Спутникалъул» тIоцересел баяназухъ балагьидал халлъулеб буго гьереси бицунеб букIин гуреб, цIиял харбал жидеего бокьарал тIаса рищун кьолел рукIин. РакIалде кколеб буго Магърибалда гIумру гьабулел консервативиял гIадамазе гьеб рекIее гIезе бугин.
Кремлалъул цIияб информационияб агентлъиялъул пикруялда Магъриб хIинкъизе ккола 5 жоялъукьа:
1. Британиялъул политикал тIубанго жоялде гьаричIого тей.
Магъриб букIа Машрикъ букIа, «Спутникалъ» лъазабулеб буго нилъ киналго политиказул кверщаликь ругин. Кин букIаниги гьел рукIунелъул лугбузул мацIалде щун кколеб бицине ругьун гьарурал чIагIи.
Алина Малиновскаялъ хIадурун буго дунялалъул лидераз кверал хьвагIи, кверал кколеб къагIида яги чорхол цоги лугбал хIалтIизарулеб куц ай мимика кин бичIчIине кколебали хъвараб ва суратаздалъун гьеб бихьизабулеб тIехь.
http://us.sputniknews.com/opinion/20141028/1013188196.html
Россиялъул президент Владимир Путинил гьениб кьолеб буго «талихI» бихьизабулеб сурат. Гьесул кIалалъул бокIналги квералги эхеде рорхун руго. Гьенирго кьурал Британиялъул премьер-министрал Тони Блэргун Дэвид Кэмеронил суратазда гьел руго данде кIутIбиги къан, нахъе бутIрулги хьвагIизарун, дунялалдего «рокьукълъи» бихьизабулел гIадин. Эмоционалияб комфорталъул гIодобегIанасеб даражаялда ай чохьода тIад цоялъ цояб кверги ккун йихьизаюн йиго Аламаниялъул канцер Ангела Меркель.
2. ТIасан ккарал лъимал ва президентал вегетарианал
«ГIицIго цо гIелалъ цебе,-ян хъвалеб буго «Спутникаялъул» мухбир Никита Алентьевас
http://us.sputniknews.com/life/20141028/1013184987.html,-
гамбургералдаса инкар гьабуралъухъ эбел-инсуца дур кверазда кьабизе ва хасаб лекцияги цIализе букIанин. Гьанже абуни лъималазе бокьулин «цогиязда релъинчIев, хасав» вукIиналъул идея ва дур кваназе бокьулеб бокьулареб жоялъул гIелбащадаз кIвар гьабуларин. Щибха гьелъул хIасил ккезе бугеб? 2020 соналда Америкаялда вукIине вуго президент вегетарианав.
3. Аль-Багъдадида тIад нужер заман холеб буго
Америкаялъул улка цIуниялъул министерлъиялъул официалиял хъулухъчагIазда кIолеб гьечIо ИГИЛ абулеб террористияб къукъаялъул лидер Абу Бакр аль-Багъдади авиакьабиялъул хIасилалда лъукъунищ, чIванищ вугевали абизе. Гьеб кьаби щвезабун букIана ГIиракъалъул территориялда 8 ноябралда. «Спутникалъ» абулеб буго кин батаниги гьелъул батIалъи гьечIин. «Цо чиясул харизмаялда ва машгьурлъиялда сверун гIуцIун букIараб «Аль-КъагIидаялде дандеккун ИГИЛалъ цолъизарун руго террористазул батIи-батIиял къукъаби. Америкаялда жив ватилалде цебего Усама бин Ладенги гьелъул номиналияв лидерасдаса дагьаб цIикIкIараб даражаялъул чи вукIана»,-ян хъвалеб буго Эндрю Корыбкоца.
4. Латинос-бусурбабаз дунял кверде босулеб буго
ВатIаналда славяназул къадар дагьлъулеб букIиналда бан Россиялъе кIудияб кIвар буго демографиял суалазул: улкаялда жанибги къватIибги.
«Ватиканалдаса гьумер бахчиялде» абураб «Спутникалъул» макъалаялда
http://us.sputniknews.com/life/20141028/1013186824.html мугъчIвай гьабулеб буго демографиял баяназда, гьебги Америкаялъул кIвар буссинабулеб буго гьезул улкаялда хехго кIодолъулел ругел бусурбабазул ва латино-американцазул демографиял къукъабазде. Латино-американцазда гьоркьор ислам дин босулезул къадар цIикIкIунеб букIиналъ гьеб кIиябго къукъа цоцалъ жубалеб бугин лъазабулеб буго «Спутникалъ».
(Латиназул Америкаялдаса гIадамазул ислам дин босаразул къадар 12% батани, гьеб къадаралъул бащдалдасаги цIикIкIун руччаби руго).
«Спутникалъул» баяназда рекъон, латинос-бусурбабаз гьениб тIибитIизабулеб буго исламияб культура.
5. Южная Флорида - хадусеб Донбасс
Россиялъе бокьула лъикIаб рикьи, хасго жиндир гIурхъабазда аскIоб.
http://us.sputniknews.com/world/20141110/1013208629.html
«Спутникалъ» рикIкIунел руго 2014 соналда рукIарал «бищунго кьварарал бакIал». Гьезде гьоркьоре унел руго Каталония, Шотландия, Венеция, Крым … ва Майами. Ахириселда абуни, бакIалъул мэрасул ццим бахъун букIана улкаялъул шималияб рахъалдаса хъулухъчагIаз климат хисулеб букIиналъе кIвар кьолеб гьечIолъиялда ва гьес абун букIана рачIайин Жанубияб Флорида абураб пачалихъ гIуцIизейин.